بسم الله الرحمن الرحيم
التطلع للأفضل
في بداية حديثي أحب أن أنوه أنه عندما أنتقد فئة بعينها لا أقصد هنا السخرية منها والتقليل من شأن أصحاب الفئة ولكن الإنتقاد هنا يكون بمثابة جرس إنذار وتسليط الضوء علي سلبيات جميعا نعيشها نسلط الضوء للتغيير للأفضل فنحن لا نملك سلاح إلا القلم وعلينا دائما التمرد علي كل ماهو مخالف لعاداتنا وأخلاقنا. ونحن لا ننسي أنه يوجد في ذات الفئة من أخلاقهم تشبه هدوء الشمس وقت شروقها. ومنهم من تستحي أن تنظر إليه من فرط إحترامه. وذلك لا ينطبق علي مقال اليوم فقط ولكن علي كل الفئات التي ننتقدها.
ومقال اليوم نتحدث عن سواق التوكتوك.
سواق التوكتوك
آاااااااااااااااه من سواق التوكتوك
لو طفل صغير ياخدك علي المطبات وللريح يسبق
ولو شاب. يشغل مهرجانات وصوتها العالي فيك يخنق
ولو واحد شايف نفسه هيفضل طول الطريق يلكلك
ولو راجل كبير. يفضل طول الطريق يسأل تقولش هيوصلنا وينزل يخطب ويشبك
لو واحدة جميلة. يقف لها انتباه التوكتوك
ولو واحدة زينا . ياعين أمها مايسأل فيها التوكتوك
لو واحدة معاها شيلة. يعمل من بنها ويلعب ف تليفونه لحد ماتنزل من التوكتوك
لو في مطر. ينزلك علي أول الشارع وقبل ماتركب عايز فلوسه وإلاااااا لتوكتوكه تترك
يخبطك في السوق عادي. ومالكش حق تزعق وإلا في رقبتك هيخنق
لو دفعت تلاتة جنيه هيرميك بره عشان يدوسك أي توكتوك
ولو دفعت خمسة جنيه يحلف بالتوراة مفيش فكة في التوكتوك
لسانهم طويل زالف والمطوة دايما تحت كرسي التوكتوك
ياتركب وعلي الغلط تسكت ياأما هيصلوا عليك جنازة المغرب وتصبح عبرة لل يعيبوا ف سواق التوكتوك.
كل عام والجميع بخير.🌹 اللهم بارك لنا في شعبان وبلغنا رمضان.
اللهم👏 لنا أحبة قد سبقونا إليك وهل شعبان وهم ليسوا معنا. ربنا اعفو عنهم واغفر لهم وتجاوز عن أعمالهم.
اللهم 👏اعط كل متمني أمنيته.
✍️ دعاء حجر.
تعليقات
إرسال تعليق